காதல் ஒரு மகிழ்ச்சியான மற்றும் உங்கள் வாழ்க்கையை மாற்றக்கூடிய ஒரு உணர்வாகும். முழு மனதுடன் நேசிப்பவர்கள் உலகை மாற்றும் ஆற்றல் பெற்றவர்கள். அன்பு என்பது ஒரு உணர்ச்சியாகும், இது மக்களின் இரக்கமற்ற இதயத்தில் மென்மையையும், இரக்கத்தையும் ஏற்படுத்துகிறது.
அன்பு என்பது ஒருவரை நேசிப்பதற்கும், அவர்கள் திருப்பிக் கொடுக்காவிட்டாலும், அவருக்காக எல்லாவற்றையும் செய்வதற்கும் உங்கள் முழு அன்பை கொடுப்பதாகும். காதல் பல வடிவங்களைக் கொண்டுள்ளது மற்றும் அன்பின் மிக உயர்ந்த மற்றும் சக்திவாய்ந்த செயல்கள் பெரும்பாலும் ஆடம்பரமாகவோ அல்லது பிரம்மாண்டமாகவோ இருக்காது, ஆனால் அது நெருக்கமானதாகவும் மற்றும் தன்னலமற்றவையாகவும் இருக்கும். அவற்றில் சிலவற்றை இந்த பதிவில் பார்க்கலாம்.
அன்பிற்காக உங்களையும் உங்கள் பொருட்களையும் தியாகம் செய்வது காதலின் மிக உயர்ந்த செயல்களில் ஒன்றாகும். உங்களது தேவையை விட முன் வேறொருவரின் தேவைகளுக்கு முன்னுரிமை கொடுப்பது அனைவராலும் செய்யக்கூடியது அல்ல மற்றும் அதைத் திரும்ப எதிர்பார்க்காமல் இருப்பதற்கு மக்களுக்கு அரிதான தைரியம் தேவைப்படுகிறது.
மனிதர்கள் பொதுவாக தங்கள் அன்புக்குரியவர்களிடமிருந்து தானாகவே எதிர்பார்க்கிறார்கள். தாங்கள் செலுத்தும் அதே அளவிலான அன்பையும், முயற்சியையும் தங்கள் துணையிடம் இருந்தும் எதிர்பார்க்கிறார்கள். ஆனால் எந்த நிபந்தனைகளும் எதிர்பார்ப்புகளும் இல்லாமல் ஒருவரை நேசிக்கும் திறன் உங்களிடம் இருந்தால், நீங்கள் அதிகமாக நேசிக்கிறீர்கள் என்பதை அறிந்து கொள்ளுங்கள்.
மன்னிப்பு என்பது உறவு அல்லது திருமணத்தைத் தக்கவைத்துக்கொள்வதற்கான முக்கியமான ரகசியங்களில் ஒன்றாகும். உங்கள் அன்புக்குரியவர் மீதான வெறுப்பையும் கோபத்தையும் விட்டுவிட்டு அவர்களை மன்னிப்பதற்கு அதிக அளவு தைரியம் தேவை, குறிப்பாக உங்களுக்கு அநீதி இழைத்த ஒருவரை மன்னிப்பது என்பது வெகுசிலரால் மட்டுமே செய்யக்கூடியதாகும்.
பச்சாதாபம் என்பது ஒரு நபரின் உணர்வுகளைப் புரிந்துகொள்வதும், அவர்கள் மீது உண்மையான அக்கறை கொள்வதுமாகும். கடினமான காலத்தை எதிர்கொண்டவர்களிடம் அனுதாபம் கொண்டிருப்பதற்கும் அவர்களின் தேவைகளை உங்களின் தேவைக்கு மேலாக வைப்பதற்கும் அதிகளவு புரிதல் தேவை. ஒருவரிடம் பச்சாதாபம் அனுதாபம் கொள்வது எளிதானது அல்ல.
தனிப்பட்ட ஆதாயம் தேடாமல் பிறருக்கு உதவி செய்யும் தன்னலமற்ற குணம் வெகு சிலருக்கே உள்ளது. கடினமான சூழ்நிலைகளிலும் நேரங்களிலும் மற்றவர்களுக்கு உதவ அன்பு, புரிதல் மற்றும் இரக்கம் தேவை. மென்மையாகவும் உதவிகரமாகவும் செயல்படுவது ஒருவருக்கு பெரிய தாக்கத்தை ஏற்படுத்தும்.
