இலங்கைத் பயிற்சி பெற்ற தாதியர்களுக்கு சிங்கப்பூரில் உள்ள அரசு மருத்துவமனைகளில் பணிக்கு விண்ணப்பிக்கும் வாய்ப்பு தற்போது கிடைத்துள்ளது.அதன்படி, தாதியர் மற்றும் பணி அனுபவத்தில் பட்டம் அல்லது டிப்ளாமா பெற்ற வல்லுநர்கள், அதே போல் பொது தாதியர் கல்லூரிகளில் பயிற்சி மற்றும் பணி அனுபவம் உள்ள தாதியர்கள் சிங்கப்பூர் பொது மருத்துவமனைகளில் தாதியர் தொழிலில் சேரலாம் என கூறப்படுகின்றது.
இதன்படி சிங்கப்பூர் வேலைக்கான தகைமைகளை பூர்த்தி செய்து வேலை பெற்ற முதல் குழுவைச் சேர்ந்த 36 தாதியர்களுக்கு விமான டிக்கெட் வழங்கும் நிகழ்வு நேற்று (12) இலங்கை வெளிநாட்டு வேலைவாய்ப்பு பணியக கேட்போர் கூடத்தில் நடைபெற்றது.
தொழிலாளர் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்கார தலைமையில் இந்நிகழ்வு இடம்பெற்றது. விண்ணப்பதாரர்கள் எந்த கட்டணமும் இல்லாமல் இந்த வேலைகளை அணுகுவதற்கான வாய்ப்பைப் பெறுவார்கள் மற்றும் விண்ணப்பதாரர்கள் சிங்கப்பூர் தாதியர் வாரியம் நடத்தும் தகுதித் தேர்வில் தேர்ச்சி பெற வேண்டும்.
சம்பந்தப்பட்ட ஆட்சேர்ப்புகளை நடத்தும் இலங்கை வேலைவாய்ப்பு முகவர் அமைப்பின் கூற்றுப்படி, தகுதிவாய்ந்த தாதியர்கள் இரண்டு வருட ஒப்பந்த காலத்திற்கு மாதாந்தம் மூன்றரை முதல் ஐந்து இலட்சம் ரூபா வரை சம்பளம் பெற முடியும் எனவும் குறிப்பிடப்பட்டுள்ளது.
அதேவேளை சிங்கப்பூருக்குள் சென்ற பின்னர் வேலை தேடுபவர்களுக்கு ஒரு முறை 1000 சிங்கப்பூர் டாலர்கள் மற்றும் தங்குமிடத்திற்கான கொடுப்பனவு வழங்கப்படும் என்றும் ஆட்சேர்ப்பு நிறுவனம் கூறியது.