அனைவருமே தங்கள் வாழ்க்கையில் பணவிஷயத்தில் தன்னிறைவையும், பாதுகாப்பையும் விரும்புகிறார்கள். அந்த இலக்கை அடைவதற்காகத்தான் அனைவரும் உழைக்கிறோம். கடின உழைப்பு மற்றும் முயற்சியுடன் அதிர்ஷ்டம் இணையும்போது அந்த இலக்கை அடைவது எளிதாகும். சில அதிர்ஷ்ட அறிகுறிகள் எதிர்பாராத நிதி ஆதாயங்களைப் பெற உதவும்.
சாஸ்திரங்களின்படி, உங்கள் உள்ளங்கை அரிப்பது நீங்கள் பணம் சம்பாதிப்பீர்களா அல்லது இழப்பீர்களா என்பதைக் குறிக்கிறது. இந்த விஷயத்தில் ஆண் மற்றும் பெண் இருவரின் கைகளும் வேறுபட்டவை. உங்கள் உள்ளங்கையில் அரிப்பு ஏற்படுவதன் அர்த்தம் என்ன என்பதை இந்த பதிவில் பார்க்கலாம்.
ஜோதிடத்தின் படி, உள்ளங்கையில் அரிப்பு ஏற்படுவது அதிர்ஷ்டம் மற்றும் செழிப்பின் அறிகுறியாக இருக்கலாம். உங்கள் வலது கை உள்ளங்கையில் அரிப்பு ஏற்பட்டால், நீங்கள் விரைவில் பணத்தை பெறுவீர்கள் என்று அர்த்தம். பணம் மட்டுமின்றி இது பதவி உயர்வு அல்லது பழைய கடனின் வருகை போன்றவற்றையும் குறிக்கலாம். மேலும் இது உங்கள் வாழ்க்கையில் புதிதாக ஒருவர் இணையப்போவதையும் குறிக்கலாம்.
ஆண்களுக்கு வலது கையில் அரிப்பு அல்லது கூச்சம் ஏற்பட்டால் அது ஒரு நல்ல அறிகுறியாகும். வலது உள்ளங்கையில் அரிப்பு இருப்பது மனநிறைவையும் ஆர்வத்தையும் குறிக்கிறது. ஏனென்றால் அது நம் வாழ்வில் பணம் வருவதைக் குறிக்கிறது. மேலும், இது ஒருவருக்கு எதிர்பாராத பணவரவைக் குறிக்கிறது. அவர்கள் தங்கள் அலமாரியில் மறைக்கப்பட்ட பணத்தைக் கண்டுபிடிக்கலாம், லாட்டரி வெல்லலாம், இழந்த பணத்தை மீண்டும் பெறலாம்.
ஆண்களுக்கு, இடது கை உள்ளங்கையில் அரிப்பு ஏற்பட்டால், அவர்களுக்கு துரதிர்ஷ்டம் விரைவில் வரப்போகிறது என்று அர்த்தம். ஒன்று அவர்கள் அனைத்தையும் செலவழிப்பார்கள் அல்லது அவர்கள் எதிர்பாராத விதத்தில் பணத்தை இழக்க நேரிடலாம். கொள்ளைப்போவது, அதிகப்படியான கடன் போன்ற விஷயங்களில் பணத்தை இழக்கலாம். செல்வத்தின் அதிபதியாந லக்ஷ்மி தேவி செல்வம், செழிப்பு மற்றும் சாதனை ஆகியவற்றை ஆசீர்வதிக்கிறார். ஆண்களின் இடது உள்ளங்கையில் அடிக்கடி அரிப்பு ஏற்பட்டால், லக்ஷ்மி தேவி உங்களுக்கு ஆதரவாக இல்லை என்று அர்த்தம்.
ஜோதிட சாஸ்திரத்தின்படி, பெண்களின் வலது உள்ளங்கையில் அடிக்கடி அரிப்பு ஏற்படுவது எதிர்காலத்தில் வரப்போகும் பண இழப்பைக் குறிக்கும். இதன் விளைவாக, அரிப்பு ஏற்படும் போது சொறிவதைத் தவிர்க்க பரிந்துரைக்கப்படுகிறது. மேலும், அவர்கள் நிறைய பணம் செலவழிப்பார்கள் என்று இது அறிவுறுத்துகிறது. மேலும் ஜோதிட சாஸ்திரத்தின் படி, பெண்கள் தங்கள் வலது உள்ளங்கையைத் தேய்க்காமல் கவனமாக இருக்க வேண்டும்.
ஒரு பெண் தனது இடது உள்ளங்கையில் தொடர்ந்து அரிப்பை உணர்வது அவர்கள் நிதிரீதியாக வெற்றி பெறுவார்கள் என்பதைக் குறிக்கிறது. அவர்களின் இடது உள்ளங்கையில் அரிப்பு ஏற்பட்டால், அவர் அதிர்ஷ்டசாலி என்று கருதப்படுகிறது. ஒரு பெண்ணின் இடது கை அரிப்பு அவருக்கு வெற்றியையும் செல்வத்தையும் கொண்டு வரும் என்று கருதப்படுகிறது. கூடுதலாக இடது உள்ளங்கை அரிப்பு அதிகப்படியான செல்வத்தின் அறிகுறியாகும்.