எப்போதும் சிக்கனமாக இருப்பது என்பது கெட்ட விஷயம் அல்ல. சிக்கனமாக இருப்பதால் கொஞ்சமாக சேமிக்க முடியலாம். ஆனால் நேரம் வரும் போது அப்பழக்கம் பயனுள்ளதாக இருக்கும். அதோடு, நீங்கள் கஷ்டப்பட்டு சம்பாதித்த பணத்தை தேவையில்லாமல் செலவு செய்வதற்கு பதிலாக, ஒரு நல்ல காரணத்திற்கு செலவழித்தால் அதனால் கிடைக்கும் மகிழ்ச்சி வேறு அளவில் இருக்கும்.
எதிர்காலத்தில் சிரமப்படக்கூடாது என்பதற்காக நீங்கள் பணத்தை சேமிக்கலாம். ஏனெனில் அனைத்து நேரமும் ஒரே மாதிரி இருப்பதில்லை. வாழ்வில் ஒரு கட்டத்தில் கையில் நிறைய பணம் இருக்கும். ஒருகட்டத்தில் போதுமான பணம் இல்லாமல் இருக்கும். இந்நிலையில் ஒருவருக்கு சேமிக்கும் பழக்கம் இருந்தால், அது மிகவும் பயனுள்ளதாக இருக்கும்.
சொல்லப்போனால், சேமிப்பு பழக்கத்தால் எதிர்காலம் தான் பாதுகாக்கப்படும். ஆனால் அனைவருக்குமே சிறப்பான சேமிப்பு பழக்கம் இருக்கும் என்று கூறிவிட முடியாது. ஒருவரது குணாதிசயங்களை வரையறுக்கும் போது, அதில் ஜோதிடமும் முக்கிய பங்கை வகிக்கிறது. ஜோதிடப்படி பின்வரும் 4 ராசிக்காரர்கள் சேமிப்பதில் மிகவும் கில்லாடிகள். இப்போது அந்த ராசிக்காரர்கள் யார் யார் என்பதைக் காண்போம்.
மகரம்மகர ராசிக்காரர்கள் விஷயங்களை எளிமையாகவும், தெளிவாகவும் இருக்க வேண்டுமென விரும்புவார்கள். இவர்களுக்கு எங்கு, எப்போது பணம் செலவழிக்க வேண்டும் என நன்கு தெரியும். மேலும் எந்த ஒரு முக்கியமான விஷயத்திற்கும் பணத்தை செலவழிக்கும் முன் ஒன்றிற்கு இருமுறை யோசிக்க தயங்கமாட்டார்கள்.
ரிஷபம்ரிஷப ராசிக்காரர்கள் பெரும்பாலும் எளிமையான மனிதர்களாக இருப்பார்கள். எப்போது வெளியே சாப்பிட செல்லும் போதும், தங்கள் உணவிற்கான செலவை தாங்களே செலுத்த விரும்புவார்கள். பணம் சம்பந்தப்பட்ட விஷயங்களில் இவர்கள் எப்போதும் நம்பகமானவர்களுடன் கலந்தாலோசிக்க விரும்புவார்கள். முக்கியமாக இவர்கள் தேவையில்லாத விஷயங்களில் அதிகமாக முதலீடு செய்யமாட்டார்கள்.
மிதுனம்மிதுன ராசிக்காரர்கள் வேடிக்கையானவர்களாக கருதப்படுகிறார்கள். ஆனால் இவர்களுக்கு எப்போது பணம் செலவழிக்க வேண்டும், எப்போது தேவையில்லை என்பதை நன்கு அறிந்தவர்கள். சொல்லப்போனால் இவர்கள் புத்திசாலியான முதலீட்டாளர்கள். உண்மையில் இவர்கள் தங்கள் பணத்தை நல்ல முடிவுகளைத் தரக்கூடிய விஷயங்களில் மட்டுமே முதலீடு செய்வார்கள்.
சிம்மம்சிம்ம ராசிக்காரர்கள் மிகவும் தைரியமானவர்கள் மற்றும் கவர்ச்சிகரமானவர்களாக இருந்தாலும், அவ்வளவு எளிதில் செலவு செய்யமாட்டார்கள். மேலும் இவர்கள் தங்களுக்காக அதிகம் செலவழிக்கமாட்டார்கள். தங்களுக்கு மிகவும் அத்தியாவசியமாக இருந்தாலும் செலவு செய்யமாட்டார்கள். ஆனால் தங்கள் நண்பர்கள் தங்களுக்காக செலவழித்தால், அவர்களுக்கு செலவழிக்க யோசிக்கமாட்டார்கள்.